ပြင်ဦးလွင် မီးပုံးပျံပွဲတော်တွင် Iron Cross တီးဝိုင်း ပထမဆုံး အကြိမ် သီဆို ဖျော်ဖြေမည် ဖြစ်ကြောင်း ပြင်ဦးလွင် မီးပုံးပျံ ပွဲတော် ဖြစ်မြောက်ရေး ကော်မတီ မှ ဦးကျော်ဌေးကို က ပြင်ဦးလွင်မြို့၌ ပြုလုပ်သည့် စာနယ်ဇင်း ရှင်းလင်း ပွဲတွင် ပြောကြားသည်။ “ ပြင်ဦးလွင် မီးပုံးပျံ ပွဲတော်ကြီးကို နိုဝင်ဘာလ ၁၈ ရက်နေ့ ကနေ ၂၂ ရက်နေ့ အထိ မဟာအံ့ထူးကံသာ ဘုရားကြီး အရှေ့မြောက်ဘက် မီးပုံးပျံ လွှတ်တင် ကွင်းမှာ ကျင်းပမှာ ဖြစ်ပါတယ်။ ဒီပွဲကြီးမှာ နိုဝင်ဘာလ ၁၉ ရက်နဲ့ ၂၀ ရက်မှာ အိုင်စီတီးဝိုင်း နဲ့ အဆိုတော်တွေ ဖျော်ဖြေပြီး ၂၁ ရက်နေ့မှာ ဟစ်ဟော့ပ် ဖျော်ဖြေပွဲ ကျင်းပမှာ ဖြစ်ပါတယ်” ဟု၎င်းက ပြောသည်။
အိုင်ရင်းခရော့စ် တီးဝိုင်း နှင့် အတူ လေးဖြူ၊ အငဲ၊ မျိုးကြီး၊ ၀ိုင်ဝိုင်း၊ လင်းလင်း၊ ချမ်းချမ်း နှင့် နေနေတို့က နိုဝင်ဘာလ ၁၉ နှင့်၂၀ ရက်နေ့ညနေ ၃ နာရီတွင် ဖျော်ဖြေမည် ဖြစ်သည်။ ဟစ်ဟော့ ဖျော်ဖြေပွဲတွင် စိုင်းစိုင်းခမ်းလှိုင်၊ ဂျေမီ၊ ရန်ရန်ချမ်း၊ ဂျင်းနီ၊ စန္ဒီမြင့်လွင်၊ ဂျောက်ဂျက်၊ ကောင်းမြတ်၊ Fire Cracker ၊ Cyclone ၊ အားတီ၊ ယူရေနီယမ် အကအဖွဲ့၊ DJ ရန်နိုင်တို့က နိုဝင်ဘာလ ၂၁ ရက်နေ့ ညနေ ၃ နာရီတွင် ဖျော်ဖြေမည် ဖြစ်သည်။
နှစ်ပွဲလုံးအတွက် လက်မှတ်များကို တစ်စောင်လျှင် ၆၀၀၀ ကျပ် သတ်မှတ်ထားကြောင်း သိရသည်။ ပွဲတော်ရက် ငါးရက်အတွင်း ညစဉ် ညတိုင်း မိုးမင်း ဦးဆောင်သော ဇာတ်သဘင် မှလည်း ၀င်ကြေး တစ်ဦးလျှင် ကျပ် ၁၀၀၀ နှုန်းဖြင့် ကပြမည် ဖြစ်သည်။
၁၇ . ၁၁ . ၂၀၁၀
ရေးသားသူ- အေးသူစံ
© 7 Day News
|
0 comments:
Post a Comment