ရွေးကောက်ပွဲ ဝင်ရောက် ယှဉ်ပြိုင်မည့် နိုင်ငံရေး ပါတီများ လိုက်နာရန် ရွေးကောက်ပွဲ ကော်မရှင်က ဇွန်လ ၂၂ ရက်နေ့တွင် ညွှန်ကြားချက် ထုတ်ပြန်သည်။ နိုင်ငံရေး ပါတီများ အနေဖြင့် စည်းရုံးရေးများ ပြုလုပ် ရာတွင် ကော်မရှင်၏ ခွင့်ပြုချက်ဖြင့် သတ်မှတ်သည့် နေရာ များတွင် စုဝေးခြင်း နှင့် ဟောပြောခြင်း နှင့် ထိုသို့ ဟောပြောရန် အတွက် ကော်မရှင်သို့ ‘အနည်းဆုံး ခုနစ်ရက်’ ကြိုတင် ခွင့်ပြုမိန့် လျှောက်ထားရန် လိုအပ်ကြောင်း ထုတ်ပြန်သည်။ ပါတီ ဌာနချုပ် နှင့် ရုံးခွဲ များတွင် ဟောပြော ခြင်းများ ပြုလုပ်ပါက ခွင့်ပြုချက် မလိုဘဲ၊ ကော်မရှင်သို့ အနည်းဆုံး ခုနစ်ရက် အသိပေးရန် လိုအပ်ကြောင်း ပါရှိသည်။ ညွှန်ကြားချက် အရ ဟောပြောပွဲ ပြုလုပ်မည့် ပါတီ အနေဖြင့် နေရာ၊ အချိန်၊ ဟောပြောပွဲ စတင်မည့် အချိန်နှင့် ( ခန့်မှန်း ) တက်ရောက်မည့် အင်အား( ခန့်မှန်း ) နှင့် ဟောပြောမည့် ပုဂ္ဂိုလ် များ၏ အမည် နှင့် လိပ်စာများ စသည် တို့ကို လျှောက်လွှာတွင် ဖော်ပြပေးရန် လိုအပ်ကြောင်း သိရသည်။ ၎င်းပြင် နိုင်ငံရေး ပါတီများ အနေဖြင့် ဟောပြောပွဲ ပြုလုပ်မည့် နေရာသို့ စီတန်း လှည့်လည်ခြင်း၊ ကြွေးကြော် ချီတက်ခြင်း မလုပ်ရန် ၊ ပြည်သူ များနှင့် ပတ်ဝန်းကျင် အနှောင့် အယှက် ဖြစ်စေ နိုင်သည့် လုပ်ရပ်မျိုး မပြုလုပ်ရန် တို့ကိုလည်း ညွှန်ကြား ချက်တွင် ဖော်ပြ ထားသည်။ပါတီ များ၏ လက်ကမ်း စာစောင်၊ ဂျာနယ်များ ထုတ်ဝေရာတွင်လည်း ပြည်ထောင်စု တိုင်းရင်းသား စည်းလုံး ညီညွတ်မှု၊ တရားဥပဒေ စိုးမိုးမှု၊ နိုင်ငံတော် အကြည်ညို ပျက်ပြားမှု၊ တပ်မတော် ပြိုကွဲရေးကို ဖြစ်ပေါ်စေရန် ဟောပြောခြင်း၊ ရေးသား ပုံနှိပ်ခြင်း တို့ကို မပြုလုပ်ရန် ညွှန်ကြား ထားသည်။ နိုင်ငံရေး ပါတီများ အနေဖြင့် အဆိုပါ ညွှန်ကြား ချက်များ အား ဖောက်ဖျက် လျှင် တည်ဆဲ ဥပဒေအရ အရေး ယူခြင်း ခံရမှု အပြင် နိုင်ငံရေး ပါတီများ မှတ်ပုံ တင်ခြင်း ဥပဒေ အရလည်း အရေး ယူခြင်း ခံရမည် ဖြစ်ကြောင်း သိရသည်။ ယခုကဲ့သို့ ကြေညာချက် ထုတ်ပြန် ခြင်းသည် ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ်နှင့် ၈၈ မျိုးဆက်သစ် ကျောင်းသား လူငယ်များ (မြန်မာပြည်) မှ ဇွန်လ ဒုတိယ ပတ်တွင် ရန်ကုန် နှင့် မန္တလေးမြို့များရှိ ရုံးခွဲ များသို့ အလံကိုင် ဆောင်ကာ စီတန်း လှည့်လည်ခြင်းများ ပြုလုပ်ပြီး နောက်ပိုင်း ထွက်ပေါ် လာခြင်း ဖြစ်သည်။ အမျိုးသား နိုင်ငံရေး မဟာမိတ်များ အဖွဲ့ချုပ် မှ ပြောရေး ဆိုခွင့်ရ ပုဂ္ဂိုလ် ဦးအုန်းလွင် က ယခုကဲ့သို့ ထုတ်ပြန် လိုက်ခြင်းဖြင့် ဟောပြော ပွဲများ မည်သို့ လုပ်ဆောင် ရမည်ကို သိရသဖြင့် ကြေညာချက် ကို ကြိုဆိုကြောင်း မြန်မာတိုင်း (မ်) ဂျာနယ်တွင် ဖော်ပြ ထားပါသည်။
၂၅ . ၆ . ၂၀၁၀
|
0 comments:
Post a Comment