ရန်ကုန်မြို့တော် စည်ပင်သာယာ နယ်နိမိတ် အတွင်း ဆိုင်ကယ်စီးနင်း သည်ကို တွေ့ရှိပါက ယာဉ်ထိန်းရုံး များသို့ ဖုန်းဖြင့် ဆက်သွယ် အကြောင်းကြား ကြစေလိုကြောင်း နှင့် ဖမ်းမိပါက ဆုငွေ ကျပ် ၁၀,၀၀၀ ချီးမြှင့် သွားမည် ဖြစ်ကြောင်း ရန်ကုန်တိုင်း ယာဉ်စည်းကမ်း ထိန်းသိမ်းရေး ကြီးကြပ်မှု ကော်မတီမှ တာဝန်ရှိသူ တစ်ဦးက မေလ ပထမပတ် တွင် ပြောသည်။ မြို့တော် နယ်နိမိတ် အတွင်း ဆိုင်ကယ် စီးနင်းခြင်းကို ပြီးခဲ့သည့် ဒီဇင်ဘာလ ကုန်မှ စတင် တားမြစ်ထား သော်လည်း မြို့စွန် မြို့ဖျား များတွင် ဆက်လက် စီးနင်း နေသည်ကို တွေ့ရှိ နေရခြင်းကြောင့် ထိုကဲ့သို့ ဆုငွေ ချီးမြှင့်ပြီး ဖမ်းဆီး သွားမည် ဖြစ်ကြောင်း မေလ ပထမပတ် တွင် အမိန့် ကြော်ငြာစာ ထုတ်ပြန်သည်။"နယ်မြေ အားလုံးကို ကော်မတီက အချိန်ပြည့် မကြည့်နိုင်တော့ ဆုငွေ ထုတ်ပေးတဲ့ စနစ်နဲ့ လုပ်လိုက် တာပါ။ ဖမ်းမိတာနဲ့ ချက်ချင်း ထုတ်ပေးတယ်" ဟု ၎င်း တာဝန်ရှိသူက ပြောသည်။ "ယာဉ်စည်းကမ်း ကော်မတီ အနေနဲ့ မရှိမဖြစ်လို အပ်တဲ့ တချို့ ဌာနတွေ ကို လိုအပ်ချက် အရ သေချာ စီစစ်ပြီး ယစက - နံပါတ်များ အဖြစ် ထုတ်ပေး ထားတဲ့ ဆိုင်ကယ် အချို့မှ အပ ကျန်တာ စီးနင်းခွင့် မရှိပါဘူး"ဟု ၎င်းက ဆက် လက်ပြောသည်။ထို့ကြောင့် ပြည်သူများ အနေဖြင့် ယစက နံပါတ်ပုံစံ မဟုတ်သည့် မည်သည့် ဆိုင်ကယ် အမျိုးအစား မဆို တိုင်ကြား နိုင်ကြောင်း သိရသည်။ ယခုနှစ် စပိုင်းတွင် သတိပေး ကြေညာချက် ဆိုင်းဘုတ် များကို နေရာ ၁၀ ခု တွင် စိုက်ထူထား သော်လည်း ဆိုင်ကယ် မစီးရ နယ်မြေ အတွင်း ၀င်ရောက်၍ စည်းကမ်း ချိုးဖောက် စီးနင်းခြင်း၊ ဆိုင်ကယ် ကယ်ရီ အဖြစ် အခကြေး ငွေယူ၍ ခရီးသည် တင်ဆောင် ပြေးဆွဲခြင်း များ ပြုလုပ်လျက် ရှိပြီး အထူးသဖြင့် မင်္ဂလာဒုံမြို့နယ်၊ မြောက်ဥက္ကလာပမြို့ နယ်၊ လှိုင်သာယာမြို့နယ်၊ ဒဂုံမြောက်ပိုင်း မြို့နယ်များ တွင် အများဆုံးဖြစ်သည်။
ထို့ကြောင့် ယခု မေလ အတွင်း ဆိုင်ကယ်မစီးရ အညွှန်း ဆိုင်းဘုတ် ၁၀၂ ခုအား ဆက်လက် စိုက်ထူ သွားမည် ဖြစ်သည်။ "အခု စီးနေတဲ့ ဆိုင်ကယ်တွေ ကတော့ လိုင်စင်မဲ့ တွေလည်း ပါတယ်။ တချို့ ဆိုင်ကယ် တွေက လိုင်စင် ထုတ်ပေးတဲ့ ဥပမာ - သန်လျင် တို့လို လိုင်စင်တွေနဲ့ ဆိုင်ကယ်တွေ ပါတယ်။ လိုင်စင်ရပြီး နယ်ကျော် စီးနင်းတော့ စည်းကမ်းဖောက် ဆိုင်ကယ်တွေ ဖြစ်သွားတယ်"ဟု ၎င်းက ဆိုသည်။ တားမြစ် ထားသည့် စည်ပင် နယ်နိမိတ် အတွင်း ဆိုင်ကယ် စီးနင်းခြင်း တွေ့ရှိ ပါက မထသ(ဗဟို) - ၀၉၈၅ ၀၀၀၅၄ နှင့် ယာဉ်စည်းကမ်း ထိန်းသိမ်းရေး ကြီးကြပ်မှု ကော်မတီ - ၀၁ ၂၉၁ ၂၈၅ သို့ ဆက်သွယ် နိုင်သည်။
၂၀ . ၅ . ၂၀၁၀
|
0 comments:
Post a Comment