ရန်ကုန်တိုင်း၊ ပန်းလှိုင်မြစ် အတွင်း သောင်ဖြစ်ထွန်းမှု များပြား လာခြင်းကြောင့် မြစ်ကြောင်းများ ကျဉ်းမြောင်း လာပြီး ရေယာဉ်များ သွားလာရန် ခက်ခဲ လာသည်ဟု ပန်းလှိုင်မြစ် တွင်းသွား ရေယာဉ်မောင်းများ ထံမှ သိရသည်။ ရေယာဉ်မောင်း တစ်ဦးက “ သောင်တွေ ပေါ်လာပြီး မြစ်ကြောင်း တွေ ကျဉ်းလာတာကို သတိထားမိတာ (၂) နှစ် လောက်ရှိပြီ။ ဒီ အတောအတွင်းမှာ အခြေအနေက ပိုဆိုး လာတယ်။ ပန်းလှိုင် တံတားနားမှာ ရေကျချိန် ဆိုရင် သောင်တွေက မြစ်တစ်ဝက် လောက်အထိ ရှိတဲ့ အတွက် သမ္ဗန်တွေပဲ သွားလို့ ရတယ်။ စက်လှေတွေ၊ သင်္ဘောတွေ သွားလို့ မရဘူး။ စက်လှေတို့၊ သင်္ဘောတို့က ရေတက်ချိန်ကို စောင့်ပြီး သွားနေရတယ်။ ဒီလို သောင်တွေ များလာတဲ့ အတွက် လာမယ့် မိုးရာသီမှာ ဒီရေတက်ရင် မြစ်ကမ်းဘေးမှာ ရှိတဲ့ ရွာတွေကို ရေကျော်နိုင် ပါတယ်။ သောင်တွေ များလာ တာကို အချိန်မီ မပြုပြင် နိုင်ဘူး ဆိုရင်တော့ ရေရှည်မှာ အခြေအနေက ဒီထက် ပိုဆိုး လာနိုင် ပါတယ် ” ဟုဆိုသည်။ထို့အပြင် လှိုင်မြစ်ကမ်းဘေး တစ်လျှောက်တွင် သဘာဝ အတိုင်း ပေါက်ရောက်နေ သော ဒီရေ တောများမှာ လည်း စည်းကမ်းမဲ့ သစ်ခုတ် သူများကြောင့် နည်းပါး လာကြောင်း၊ ထိုသို့ ဒီရေတောများ နည်းပါး လာမှုကြောင့် နုန်းမြေ ပို့ချမှုမှာ ပိုမိုများပြား လာကြောင်း တွံတေးမြို့နယ်တွင် နေထိုင်သူ တစ်ဦးက ပြောကြား ခဲ့ကြောင်း ၂၀၁၀ ခုနှစ် မေလ ၁၃ ရက်နေ့ထုတ် Popular News ဂျာနယ်တွင် ဖော်ပြ ထားသည်။
၁၄ . ၅ . ၂၀၁၀
|
0 comments:
Post a Comment