ခရီးသည်တင် ယာဉ်လိုင်းများ ရောက်ရှိသည့် မှတ်တိုင်များကို ဖော်ပြ ပေးထားမည့် ဘတ်စ်ကား လမ်းညွန် Light Box များကို ရန်ကုန်မြို့ရှိ ကား မှတ်တိုင် ၉၀၀ ကျော်တွင် စိုက်ထူ ထားရှိမည် ဖြစ်ကြောင်း သိရသည်။ အဆိုပါ ဘတ်စ်ကား လမ်းညွန် Light Box များကို Neo Alpha ကုမ္ပဏီ နှင့် မ.ထ.သ တို့မှ ပူးပေါင်း လုပ်ဆောင်ခြင်း ဖြစ်ပြီး လက်ရှိတွင် ဗိုလ်ကလေးဈေး၊ ပန်းဆိုးတန်း၊ လသာ၊ ၃၈ လမ်း မှတ်တိုင်များ အပါအ၀င် ကားမှတ် တိုင် ၁၁ ခုတွင် ယင်း Light Box များ စိုက်ထူ ထားကြောင်း သိရသည်။ “Light Box တွေကို ရန်ကုန်မှာ ရှိတဲ့ ကားမှတ်တိုင် တိုင်းမှာ တပ်ဆင် စိုက် ထူ နိုင်အောင် ဆောင်ရွက် နေပါတယ်။အရေ အတွက် အားဖြင့်တော့ အခုရေ ၉၀၀ ကျော်လောက် တပ်ဆင် မှာပါ။ အဓိက ကတော့ ခရီးသွား ပြည်သူ တွေ အဆင်ပြေ စေဖို့ ရည်ရွယ် တာပါ။ Neo Alpha အနေနဲ့ မှတ်တိုင် တွေမှာ ဘတ်စ်ကား လမ်းညွန် Light Box တွေကို စိုက်ထူတာ အပြင် ခရီးသွား ပြည်သူတွေ အဆင် ပြေစေတဲ့ တခြား အစီ အစဉ်တွေကိုလ ည်း လုပ်ဆောင်ဖို့ ရှိပါတယ်” ဟု Neo Alpha မှ မန်နေဂျာ ကိုသန့်ဇင်ဦးက ပြောကြား သည်။
မှတ်တိုင် များတွင် စိုက်ထူ ထားသော ၄င်း Light Box များ၏ တစ်ဖက်တွင် ယာဉ်လိုင်း များ၏ ခရီးစဉ် တစ်လျှောက် ရပ်နားမည့် မှတ်တိုင် များကို ဖော်ပြထားပြီး ကျန် တစ်ဖက်တွင် ကုန်ပစ္စည်း ကြော်ငြာများ ထည့်သွင်း ဖော်ပြမည်ဟု သိရသည်။ ယာဉ်လိုင်းများ လမ်းကြောင်း ပြောင်းရွှေ့ ခြင်း၊ ယာဉ်လိုင်း အတိုး အလျှော့များ ဖြစ်ပေါ်လာ ခဲ့ပါကလည်း လမ်းညွှန် ဆိုင်းဘုတ် များကို ပြန်လည် တပ်ဆင် ပေးသွားမည်ဖြစ် ကြောင်း ၂၀၁၀ ခုနှစ် ဧပြီလ ၂၈ ရက်နေ့ထုတ် News Watch Weekly ဂျာနယ်တွင် ဖော်ပြ ထားပါသည်။
၂၃ . ၄ . ၂၀၁၀
|
0 comments:
Post a Comment